ប្រតិបត្តិការលិខិតឥណទាន (Documentary Credit) គឺជាឧបករណ៍សំខាន់មួយក្នុងពាណិជ្ជកម្មអន្តរជាតិ ដែលជួយសម្រួលដល់ការទូទាត់ប្រាក់រវាងអ្នកទិញ និងអ្នកលក់។ ក្នុងដំណើរការនេះ ធនាគារដើរតួនាទីយ៉ាងសំខាន់ ដោយធ្វើជាអន្តរការី និងធានានូវការទូទាត់ប្រាក់ដែលមានសុវត្ថិភាព។ ធនាគារពីរដែលមានតួនាទីសំខាន់ក្នុងប្រតិបត្តិការលិខិតឥណទាន គឺ ធនាគារជូនដំណឹងលិខិតឥណទាន (Advising Bank) និង ធនាគារធានាបន្ថែមលើលិខិតឥណទាន (Confirming Bank)។ ធនាគារជូនដំណឹងលិខិតឥណទាន (Advising Bank) ធនាគារជូនដំណឹងលិខិតឥណទាន គឺជាធនាគារដែលទទួលបន្ទុកជូនដំណឹងដល់អ្នកលក់អំពីការចេញលិខិតឥណទានពីធនាគារចេញលិខិតឥណទាន។ ធនាគារនេះក៏អាចផ្ទៀងផ្ទាត់ភាពត្រឹមត្រូវនៃលិខិតឥណទាន និងផ្តល់ដំបូន្មានដល់អ្នកលក់អំពីលក្ខខណ្ឌនៃលិខិតឥណទាន។ ការជ្រើសរើសធនាគារជូនដំណឹងលិខិតឥណទានដែលមានសមត្ថភាព និងមានបទពិសោធន៍ គឺមានសារៈសំខាន់ ព្រោះវាអាចជួយសម្រួលដល់ដំណើរការនៃប្រតិបត្តិការ និងកាត់បន្ថយហានិភ័យសម្រាប់អ្នកលក់។ ធនាគារធានាបន្ថែមលើលិខិតឥណទាន (Confirming Bank) ធនាគារធានាបន្ថែមលើលិខិតឥណទាន គឺជាធនាគារដែលយល់ព្រមទទួលខុសត្រូវក្នុងការទូទាត់ប្រាក់ជំនួសធនាគារចេញលិខិតឥណទាន ប្រសិនបើធនាគារចេញលិខិតឥណ...
លិខិតធានាដកទំនិញ (Shipping Guarantee) គឺជាឧបករណ៍ហិរញ្ញវត្ថុមួយដែលធនាគារចេញទៅឱ្យក្រុមហ៊ុនដឹកជញ្ជូន ដើម្បីធានាសុវត្ថិភាពក្នុងការដកទំនិញជូនអ្នកទិញដោយពុំមានអញ្ញាតប័ណ្ណច្បាប់ដើម (Original Bill of Lading)។ វាជាការធានាថា ក្រុមហ៊ុនដឹកជញ្ជូននឹងទទួលបានសំណងពេញលេញពីធនាគារ ក្នុងករណីដែលទំនិញត្រូវបានប្រគល់ជូនអ្នកទិញ ដោយមិនមានអញ្ញាតប័ណ្ណដឹកជញ្ជូនច្បាប់ដើម (Original Bill of Lading) ក្នុងករណីមានការខាតបង់ប្រាក់ មកពីការឆបោក លើការដកទំនិញ ឬករណីផ្សេងទៀត។
ហេតុអ្វីត្រូវការលិខិតធានាដកទំនិញ?
- ការពារប្រយោជន៍របស់ក្រុមហ៊ុនដឹកជញ្ជូន: លិខិតធានានេះជួយធានាថាក្រុមហ៊ុនដឹកជញ្ជូននឹងមិនខាតបង់ប្រាក់ក្នុងករណីមានការឆបោក លើការដកទំនិញ។
- សម្រួលដល់ដំណើរការដឹកជញ្ជូន: វាជួយឱ្យក្រុមហ៊ុនដឹកជញ្ជូនអាចបញ្ចេញទំនិញឱ្យអតិថិជនបានលឿនជាងមុន ដោយមិនចាំបាច់រង់ចាំអញ្ញាតប័ណ្ណដឹកជញ្ជូនដើម។
ការប្រើប្រាស់លិខិតធានាដកទំនិញ:
លិខិតធានាដកទំនិញត្រូវបានប្រើប្រាស់ជាទូទៅក្នុងក្របខ័ណ្ឌនៃសេវាហិរញ្ញវត្ថុអន្តរជាតិ ជាពិសេសក្នុងករណីដូចជា:
- សេវាលិខិតឥណទាន (Letter of Credit): នៅពេលដែលអ្នកលក់បង្ហាញឯកសារក្រោមលិខិតឥណទានមកធនាគារដែលចេញលិខិតឥណទានយឺតជាងការមកដល់របស់ទំនិញ។
- សេវាប្រមូលការទូទាត់លើឯកសារ (Documentary Collection): នៅពេលដែលអ្នកលក់បង្ហាញឯកសារក្រោមប្រតិបត្តការសេវាប្រមូលការទូទាត់លើឯកសារ មកធនាគារធនាគារអ្នកទិញ យឺតជាងការមកដល់របស់ទំនិញ។
ឯកសារដែលត្រូវការ:
ដើម្បីទទួលបានលិខិតធានាដកទំនិញ អតិថិជនត្រូវតែបង្ហាញឯកសារដូចជា:
- ច្បាប់ថតចម្លងអញ្ញាតប័ណ្ណដឹកជញ្ជូន
- វិក័យបត្រ
- ឯកសារពាក់ព័ន្ធផ្សេងៗ ដូចជា កិច្ចសន្យាទិញលក់ ឬលិខិតបញ្ជាទិញ
ការដាក់ប្រាក់តម្កល់ធានា:
ដើម្បីជាសុវត្ថិភាពចេញលិខិតដកទំនិញ ធនាគារអាចតម្រូវឱ្យអតិថិជនដាក់ប្រាក់តម្កល់ក្នុងចំនួនរហូតដល់១២០ភាគរយនៃតម្លៃទំនិញទៅតាមកម្រិតនៃហានិភ័យ។
លក្ខខណ្ឌរំលត់កាតព្វកិច្ចធានា:
កាតព្វកិច្ចធានារបស់ធនាគារនឹងត្រូវបញ្ចប់នៅពេលដែលអតិថិជនប្រគល់អញ្ញាតប័ណ្ណដឹកជញ្ជូនច្បាប់ដើមជូនក្រុមហ៊ុនដឹកជញ្ជូន និងក្រុមហ៊ុនដឹកជញ្ជូនព្រមព្រៀងរំលត់កាតព្វកិច្ចធានាជាមួយធនាគារជាលាយល័ក្ខអក្សរ។
សេចក្តីសន្និដ្ឋាន:
លិខិតធានាដកទំនិញមានសារៈសំខាន់ក្នុងការធានាសុវត្ថិភាពក្នុងការដកទំនិញដោយគ្មានអញ្ញាតប័ណ្ណដឹកជញ្ជូន។ វាជួយកាត់បន្ថយហានិភ័យសម្រាប់ទាំងអតិថិជន និងក្រុមហ៊ុនដឹកជញ្ជូន។ ប្រសិនបើអ្នកកំពុងពិចារណាប្រើប្រាស់សេវាលិខិតឥណទាន ឬសេវាប្រមូលការទូទាត់លើឯកសារ សម្រាប់គាំទ្រលើការនាំចេញ នាំចូលទំនិញក្នុងតំបន់ ដែលការដឹកជញ្ជូនមានរយៈពេលលឿនជាងការរត់ការឯកសារដឹកជញ្ជូន(Shipping Documents) ការយល់ដឹងអំពីលិខិតធានាដកទំនិញនឹងជួយអ្នកក្នុងការធ្វើការសម្រេចចិត្តបានប្រសើរជាងមុន។
Comments
Post a Comment