ប្រតិបត្តិការលិខិតឥណទាន (Documentary Credit) គឺជាឧបករណ៍សំខាន់មួយក្នុងពាណិជ្ជកម្មអន្តរជាតិ ដែលជួយសម្រួលដល់ការទូទាត់ប្រាក់រវាងអ្នកទិញ និងអ្នកលក់។ ក្នុងដំណើរការនេះ ធនាគារដើរតួនាទីយ៉ាងសំខាន់ ដោយធ្វើជាអន្តរការី និងធានានូវការទូទាត់ប្រាក់ដែលមានសុវត្ថិភាព។ ធនាគារពីរដែលមានតួនាទីសំខាន់ក្នុងប្រតិបត្តិការលិខិតឥណទាន គឺ ធនាគារជូនដំណឹងលិខិតឥណទាន (Advising Bank) និង ធនាគារធានាបន្ថែមលើលិខិតឥណទាន (Confirming Bank)។ ធនាគារជូនដំណឹងលិខិតឥណទាន (Advising Bank) ធនាគារជូនដំណឹងលិខិតឥណទាន គឺជាធនាគារដែលទទួលបន្ទុកជូនដំណឹងដល់អ្នកលក់អំពីការចេញលិខិតឥណទានពីធនាគារចេញលិខិតឥណទាន។ ធនាគារនេះក៏អាចផ្ទៀងផ្ទាត់ភាពត្រឹមត្រូវនៃលិខិតឥណទាន និងផ្តល់ដំបូន្មានដល់អ្នកលក់អំពីលក្ខខណ្ឌនៃលិខិតឥណទាន។ ការជ្រើសរើសធនាគារជូនដំណឹងលិខិតឥណទានដែលមានសមត្ថភាព និងមានបទពិសោធន៍ គឺមានសារៈសំខាន់ ព្រោះវាអាចជួយសម្រួលដល់ដំណើរការនៃប្រតិបត្តិការ និងកាត់បន្ថយហានិភ័យសម្រាប់អ្នកលក់។ ធនាគារធានាបន្ថែមលើលិខិតឥណទាន (Confirming Bank) ធនាគារធានាបន្ថែមលើលិខិតឥណទាន គឺជាធនាគារដែលយល់ព្រមទទួលខុសត្រូវក្នុងការទូទាត់ប្រាក់ជំនួសធនាគារចេញលិខិតឥណទាន ប្រសិនបើធនាគារចេញលិខិតឥណ...
ការធានាបន្ថែម (Confirmation) ក្រោមប្រតិបត្តិការលិខិតឥណទាន គឺជាកាតព្វកិច្ចដ៏ជាក់លាក់មួយរបស់ Confirming Bank ធានាថានឹងធ្វើការ ទូទាត់ (Honour) ឬ ជួញដូរលើរូបិយាណត្តិឬឯកសារ (Negotiation) ទៅលើការបង្ហាញឯកសារដែលត្រឹមត្រូវតាមលក្ខខ័ណ្ឌលិខិតឥណទាន (Complying Presentation) ។ វាដូចជាការធានាថា ប្រសិនបើអ្នកទទួលផលបំពេញតាមលក្ខខណ្ឌទាំងអស់ដែលបានកំណត់នៅក្នុងលិខិតឥណទាននោះ ធនាគារនេះ(Confirming Bank)នឹងធ្វើការបង់ប្រាក់ឱ្យអ្នកទទួលផលដោយផ្ទាល់។
លក្ខខណ្ឌធានាបន្ថែមនៅក្នុងលិខិតឥណទាន
លិខិតឥណទានជាធម្មតាមានការបញ្ជាក់យ៉ាងច្បាស់អំពីការធានាបន្ថែម ដោយប្រើឃ្លាដូចជា "Confirm", "May Add", ឬ "Without"។ ឃ្លាទាំងនេះមានន័យដូចខាងក្រោម៖
- Confirm: មានន័យថា Confirming Bank អាចធ្វើការធានាបន្ថែម។
- May Add: មានន័យថា Confirming Bank អាចធ្វើការធានាបន្ថែមបាន នៅពេលមានការស្នើសុំពីអ្នកទទួលផល។
- Without: មានន័យថា Confirming Bank មិនអាចធ្វើការធានាបន្ថែមបាន។
ហេតុអ្វីត្រូវការការធានាបន្ថែម?
- ការពារហានិភ័យ: ការធានាបន្ថែមផ្តល់នូវការធានាបន្ថែមមួយទៀតដល់អ្នកទទួលផល ធ្វើឱ្យពួកគេមានទំនុកចិត្តក្នុងការធ្វើធុរកិច្ច។
- ភាពងាយស្រួល: អ្នកទទួលផលអាចទៅទាមទារប្រាក់បានដោយផ្ទាល់នៅធនាគារធានាបន្ថែម ដែលជាធម្មតានៅជិតទីតាំងរបស់ពួកគេ។
- ការពារការបាត់បង់: ប្រសិនបើធនាគារចេញលិខិតឥណទានមានបញ្ហា អ្នកទទួលផលនៅតែអាចទទួលបានប្រាក់ពីធនាគារធានាបន្ថែម។
ដំណើរការនៃការធានាបន្ថែម (Confirmation) ក្នុងលិខិតឥណទាន
- អ្នកទិញ (អ្នកនាំចូល) ស្នើសុំចេញលិខិតឥណទាន: អ្នកទិញសុំឱ្យធនាគាររបស់ខ្លួនចេញលិខិតឥណទានទៅកាន់អ្នកលក់។
- ធនាគារចេញលិខិតឥណទាន(Issuing Bank): ធនាគាររបស់អ្នកទិញចេញលិខិតឥណទាន រួចផ្ញើទៅឱ្យអ្នកលក់តាមរយៈ ធនាគាររបស់អ្នកលក់ដែលត្រូវបានគេហៅថា ធនាគារដែលជូនដំណឹងលិខិតឥណទាន (Advising Bank)។
- ធនាគារធានាបន្ថែម (Confirming Bank): ធនាគារធានាបន្ថែម អាចជាធនាគារធនាគារដែលជូនដំណឹងលិខិតឥណទាន (Advising Bank) ធ្វើការធានាបន្ថែមទៅលើលិខិតឥណទាន។
- អ្នកលក់ដឹកជញ្ជូនទំនិញ: បន្ទាប់ពីទទួលបានលិខិតឥណទាន អ្នកលក់បញ្ជូនទំនិញទៅឱ្យអ្នកទិញ។
- អ្នកលក់រៀបចំឯកសារដឹកជញ្ជូន(Shipping Documents): អ្នកលក់ប្រមូលឯកសារទាំងអស់ដែលត្រូវការ ដូចជា អញ្ញត្តបត្រអញ្ញាតប័ណ្ណច្បាប់ដើម (Original Bill of Lading) (bill of lading), វិក័យបត្រ និងឯកសារផ្សេងៗទៀតដើម្បីបង្ហាញ(Presentation)ទាមទាសំណងក្រោមលិខិតឥណទាន។
- អ្នកលក់បញ្ជូនឯកសារទៅធនាគារ: អ្នកលក់បង្ហាញឯកសារទៅឱ្យធនាគារធានាបន្ថែមដើម្បី ទាមទាការទូទាត់ (Honour) ឬ ជួញដូរលើរូបិយាណត្តិឬឯកសារ (Negotiation)។
- ធនាគារធានាបន្ថែមពិនិត្យឯកសារ( Documents Examination): ធនាគារធានាបន្ថែមពិនិត្យមើលថាឯកសារទាំងអស់ត្រឹមត្រូវនិងអនុលោមតាមលក្ខខណ្ឌក្នុងលិខិតឥណទានឬទេ។
- ធនាគារធានាបន្ថែមធ្វើការទូទាត់: ប្រសិនបើឯកសារទាំងអស់ត្រឹមត្រូវ ធនាគារធានាបន្ថែមនឹងធ្វើការទូទាត់ឱ្យអ្នកលក់ រួចផ្ញើរឯកសារបន្តទៅធនាគារចេញលិខិតឥណទាន(Issuing Bank) ដើម្បីទាមទាការទូទាត់សាច់ប្រាក់ត្រលប់មកវិញ។
ការវិភាគ វាយតម្លៃ និងត្រួតពិនិត្យមុននឹងធានាបន្ថែម
មុននឹងធ្វើការធានាបន្ថែមលើលិខិតឥណទានណាមួយ Confirming Bank ត្រូវតែធ្វើការវិភាគ វាយតម្លៃ និងត្រួតពិនិត្យយ៉ាងហ្មត់ចត់លើកត្តាដូចខាងក្រោម៖
- កម្រិតឥណទានរបស់ធនាគារចេញលិខិតឥណទាន: Confirming Bank ត្រូវតែពិនិត្យមើលថាធនាគារចេញលិខិតឥណទានមានកម្រិតឥណទានស្រាប់ឫគ្មាន និងមានសមត្ថភាពក្នុងការបំពេញការទូទាត់បានឬទេ។
- លក្ខខណ្ឌនៃលិខិតឥណទាន: Confirming Bank ត្រូវតែពិនិត្យមើលលក្ខខណ្ឌទាំងអស់ដែលចែងនៅក្នុងលិខិតឥណទាន ដើម្បីធានាថាលក្ខខណ្ឌទាំងនោះអាចអនុវត្តបាន និងមិនមានហានិភ័យខ្ពស់។
- ហានិភ័យផ្សេងៗ: Confirming Bank ត្រូវតែពិចារណាពីហានិភ័យផ្សេងៗដែលអាចកើតឡើង ដូចជា ហានិភ័យនៃការផ្លាស់ប្តូរអត្រាប្តូរប្រាក់ ហានិភ័យនៃការប្រែប្រួលនៃតម្លៃទំនិញ និងហានិភ័យនៃការមិនអនុលោមតាមច្បាប់។
សរុបសេចក្តី
ការធានាបន្ថែមលើលិខិតឥណទានគឺជាឧបករណ៍មួយដែលមានសារៈសំខាន់ក្នុងការធ្វើពាណិជ្ជកម្មអន្តរជាតិ ពិសេសសម្រាប់អ្នកទទួលផលនៃលិខិតឥណទាន។ វាផ្តល់នូវការធានាបន្ថែមមួយទៀតអំពីការទូទាត់ និងធ្វើឱ្យលិខិតឥណទានកាន់តែមានសុវត្ថិភាព។ ទោះជាយ៉ាងណា Confirming Bank ត្រូវតែប្រុងប្រយ័ត្នក្នុងការធ្វើការសម្រេចចិត្តធានាបន្ថែម ដោយត្រូវវិភាគ វាយតម្លៃ និងត្រួតពិនិត្យយ៉ាងហ្មត់ចត់លើកត្តាទាំងអស់ដែលពាក់ព័ន្ធ។
Comments
Post a Comment