Vanijja

ការយកចិត្តទុកដាក់ស្គាល់អតិថិជន (Know Your Customer - KYC) គឺជាដំណើរការដែលធនាគារ និងស្ថាប័នហិរញ្ញវត្ថុផ្សេងទៀតប្រើដើម្បីប្រមូល វិភាគ និងកត់ត្រាព័ត៌មានអំពីអតិថិជន។ គោលបំណងចម្បងនៃការធ្វើ KYC គឺដើម្បីការពារស្ថាប័នហិរញ្ញវត្ថុពីការប្រើប្រាស់ផលិតផល និងសេវាកម្មរបស់ខ្លួនសម្រាប់សកម្មភាពខុសច្បាប់ ដូចជាការលាងសម្អាតប្រាក់ ការផ្តល់ហិរញ្ញប្បទានដល់ភេរវកម្ម និងការក្លែងបន្លំ។ តើការយកចិត្តទុកដាក់ស្គាល់អតិថិជនសំខាន់យ៉ាងណា? ការពារស្ថាប័នហិរញ្ញវត្ថុ:  KYC ជួយការពារធនាគារ និងស្ថាប័នហិរញ្ញវត្ថុពីការប្រើប្រាស់សេវាកម្មរបស់ខ្លួនក្នុងការធ្វើសកម្មភាពខុសច្បាប់។ អនុលោមភាព:  KYC ជួយធានាថាស្ថាប័នហិរញ្ញវត្ថុអនុលោមតាមច្បាប់ និងបទបញ្ញាតិទាក់ទងនឹងការប្រឆាំងការសម្អាតប្រាក់ និងហិរញ្ញប្បទានភេរវកម្ម។ ការការពារអតិថិជន:   KYC ជួយការពារអតិថិជនពីការប្រើប្រាស់សេវាកម្មហិរញ្ញវត្ថុដោយមិនមានការអនុញ្ញាត ឬការប្រើប្រាស់សេវាកម្មសម្រាប់សកម្មភាពខុសច្បាប់។ ការបង្កើនទំនាក់ទំនងជាមួយអតិថិជន: ការស្គាល់អតិថិជនកាន់តែច្បាស់ ជួយឱ្យស្ថាប័នហិរញ្ញវត្ថុផ្តល់សេវាកម្មបានកាន់តែប្រសើរឡើង និងបង្កើតទំនាក់ទំនងជាមួយអតិថិជនបានយូរអង្វែង។ ឱ​កាសក...

មូលប្បទានប័ត្រ គឺជាការបញ្ជាជាលាយលក្ខណ៍អក្សរដែលបុគ្គលឬស្ថាប័នមួយចេញ ដើម្បីបញ្ជាឱ្យធនាគារទូទាត់ប្រាក់មួយចំនួនជូនបុគ្គលឬស្ថាប័នមួយផ្សេងទៀត។ មូលប្បទានប័ត្រមានប្រភេទផ្សេងៗគ្នាដែលត្រូវបានប្រើប្រាស់យ៉ាងទូលំទូលាយក្នុងប្រតិបត្តិការហិរញ្ញវត្ថុ។ ប្រភេទមូលប្បទានប័ត្រសំខាន់ៗមានដូចជា៖ Cashier’s Cheque: ជាមូលប្បទានប័ត្រដែលចេញដោយធនាគារ សាច់ប្រាក់ត្រូវបានដកចេញពីគណនីរបស់ធនាគារនោះផ្ទាល់។ មូលប្បទានប័ត្រប្រភេទនេះមានសុវត្ថិភាពខ្ពស់ ហើយត្រូវបានទទួលស្គាល់យ៉ាងទូលំទូលាយ។ Bank Draft/Cheque:  ជាមូលប្បទានប័ត្រដែលចេញដោយធនាគារ ដោយដកប្រាក់ចេញពីគណនីរបស់ធនាគារនោះ ដែលមានជាមួយធនាគារអន្តរការីក្រៅប្រទេស ក្នុងចំនួនជាក់លាក់មួយ ។​ មូលប្បទានប័ត្រប្រភេទនេះជាទូទៅត្រូវបានប្រើប្រាស់សម្រាប់ប្រតិបត្តិការហិរញ្ញវត្ថុអន្តរជាតិ។ Personal Cheque: ជាមូលប្បទានប័ត្រចេញដោយបុគ្គលម្នាក់ៗ ដោយប្រាក់ត្រូវបានដកចេញពីគណនីធនាគាររបស់ពួកគេ។ មូលប្បទានប័ត្រប្រភេទនេះត្រូវបានប្រើប្រាស់សម្រាប់ប្រតិបត្តិការប្រចាំថ្ងៃ។ កន្លែងដែលអាចផាត់ទាត់មូលប្បទានប័ត្របាន ជាទូទៅ អ្នកអាចផាត់ទាត់មូលប្បទានប័ត្របាននៅកន្លែងដូចខាងក្រោម៖ ធនាគារដែលបានចេញមូលប្បទានប័ត...

ប្រតិបត្តិការប្រមូលការទូទាត់ លើឯកសារ (Documentary Collection)  គឺជាវិធីសាស្រ្តមួយដែលអនុញ្ញាតឱ្យអ្នកលក់ទំនិញ (បហារ័ក) ប្រើប្រាស់ធនាគារដើម្បីប្រមូលប្រាក់ទូទាត់ពីអ្នកទិញ (បហារិត) នៅក្នុងប្រទេសផ្សេង។ វិធីសាស្រ្តនេះ ធនាគារនឹងទទួលបានឯកសារទាក់ទងនឹងការលក់ទំនិញ (ដូចជាវិក្កយបត្រ ប័ណ្ណធានារ៉ាប់រង និងឯកសារដឹកជញ្ជូន) ពីអ្នកលក់ ហើយបញ្ជូនទៅឱ្យធនាគាររបស់អ្នកទិញ។ អ្នកទិញនឹងទទួលបានឯកសារទាំងនេះ ប្រសិនបើពួកគេបានធ្វើការទូទាត់ ឬយល់ព្រមទូទាត់តាមលក្ខខណ្ឌដែលបានកំណត់។ ឯកសារដែលប្រើក្នុងប្រតិបត្តិការប្រមូលការទូទាត់ អាចបែងចែកជាពីរប្រភេទសំខាន់ៗ៖ ឯកសារពាណិជ្ជកម្ម: ឯកសារទាំងនេះពិពណ៌នាអំពីទំនិញដែលបានលក់ រួមមានវិក្កយបត្រ (បង្ហាញពីតម្លៃទំនិញ), បញ្ជីវេចខ្ចប់ (បង្ហាញពីបរិមាណ និងប្រភេទនៃទំនិញ), ប័ណ្ណធានារ៉ាប់រង (បង្ហាញពីការធានារ៉ាប់រងសម្រាប់ការខូចខាតឬបាត់បង់ទំនិញពេលដឹកជញ្ជូន), និងឯកសារដឹកជញ្ជូន (បង្ហាញពីការដឹកជញ្ជូនទំនិញ)។ ឯកសារហិរញ្ញវត្ថុ: ឯកសារទាំងនេះទាក់ទងនឹងការទូទាត់ រួមមានមូលប្បទានប័ត្រ (ជាសំណើឱ្យធនាគារទូទាត់ប្រាក់), ប័ណ្ណសងតាមបញ្ជា (ជាការសន្យាថានឹងទូទាត់ប្រាក់), និងប័ណ្ណរូបិយាណត្តិ (ជាការបញ្ជាឱ្យសងប្រាក់)។ ...

ការធានាបន្ថែម (Confirmation) ក្រោមប្រតិបត្តិការលិខិតឥណទាន គឺជាកាតព្វកិច្ចដ៏ជាក់លាក់មួយរបស់ Confirming Bank ធានាថានឹងធ្វើការ ទូទាត់​ (Honour) ឬ ជួញដូរលើរូបិយាណត្តិឬឯកសារ (Negotiation) ទៅលើការបង្ហាញឯកសារដែលត្រឹមត្រូវតាមលក្ខខ័ណ្ឌលិខិតឥណទាន (Complying Presentation) ។ វាដូចជាការធានាថា ប្រសិនបើអ្នកទទួលផលបំពេញតាមលក្ខខណ្ឌទាំងអស់ដែលបានកំណត់នៅក្នុងលិខិតឥណទាននោះ ធនាគារនេះ(​Confirming Bank)នឹងធ្វើការបង់ប្រាក់ឱ្យអ្នកទទួលផលដោយផ្ទាល់។ លក្ខខណ្ឌធានាបន្ថែមនៅក្នុងលិខិតឥណទាន លិខិតឥណទានជាធម្មតាមានការបញ្ជាក់យ៉ាងច្បាស់អំពីការធានាបន្ថែម ដោយប្រើឃ្លាដូចជា "Confirm", "May Add", ឬ "Without"។ ឃ្លាទាំងនេះមានន័យដូចខាងក្រោម៖ Confirm: មានន័យថា Confirming Bank អាចធ្វើការធានាបន្ថែម។ May Add: មានន័យថា Confirming Bank អាចធ្វើការធានាបន្ថែមបាន នៅពេលមានការស្នើសុំពីអ្នកទទួលផល។ Without: មានន័យថា Confirming Bank មិនអាចធ្វើការធានាបន្ថែមបាន។ ហេតុអ្វីត្រូវការការធានាបន្ថែម? ការពារហានិភ័យ: ការធានាបន្ថែមផ្តល់នូវការធានាបន្ថែមមួយទៀតដល់អ្នកទទួលផល ធ្វើឱ្យពួកគេមានទំនុកចិត្តក្នុងការធ្វើធុរកិច្ច។ ភាពងាយ...

លិខិតធានាដកទំនិញ (Shipping Guarantee) គឺជាឧបករណ៍ហិរញ្ញវត្ថុមួយដែលធនាគារចេញទៅ ឱ្យ ក្រុមហ៊ុនដឹកជញ្ជូន ដើម្បីធានាសុវត្ថិភាពក្នុងការដកទំនិញជូនអ្នកទិញ ដោយពុំមានអញ្ញាតប័ណ្ណច្បាប់ដើម (Original Bill of Lading)។ វាជាការធានាថា ក្រុមហ៊ុនដឹកជញ្ជូននឹងទទួលបានសំណងពេញលេញពីធនាគារ ក្នុងករណីដែលទំនិញត្រូវបានប្រគល់ជូនអ្នកទិញ ដោយមិនមានអញ្ញាតប័ណ្ណដឹកជញ្ជូនច្បាប់ដើម (Original Bill of Lading) ក្នុងករណីមានការខាតបង់ប្រាក់ មកពីការឆបោក លើការដកទំនិញ ឬករណីផ្សេងទៀត។ ហេតុអ្វីត្រូវការលិខិតធានាដកទំនិញ? ការពារប្រយោជន៍របស់ក្រុមហ៊ុនដឹកជញ្ជូន: លិខិតធានានេះជួយធានាថាក្រុមហ៊ុនដឹកជញ្ជូននឹងមិនខាតបង់ប្រាក់ក្នុងករណីមានការឆបោក លើការដកទំនិញ។ សម្រួលដល់ដំណើរការដឹកជញ្ជូន: វាជួយឱ្យក្រុមហ៊ុនដឹកជញ្ជូនអាចបញ្ចេញទំនិញឱ្យអតិថិជនបានលឿនជាងមុន ដោយមិនចាំបាច់រង់ចាំអញ្ញាតប័ណ្ណដឹកជញ្ជូនដើម។ ការប្រើប្រាស់លិខិតធានាដកទំនិញ: លិខិតធានាដកទំនិញត្រូវបានប្រើប្រាស់ជាទូទៅក្នុងក្របខ័ណ្ឌនៃសេវាហិរញ្ញវត្ថុអន្តរជាតិ ជាពិសេសក្នុងករណីដូចជា: សេវាលិខិតឥណទាន (Letter of Credit): នៅពេលដែលអ្នកលក់បង្ហាញឯកសារក្រោមលិខិតឥណទានមកធនាគារដែលចេញលិខិតឥណទានយឺតជាងការមកដល់របស់ទំន...

លិខិតធានា គឺជាឧបករណ៍ហិរញ្ញវត្ថុមួយដែលចេញដោយធនាគារ ឬស្ថាប័នហិរញ្ញវត្ថុផ្សេងទៀត ធានាទូទាត់ជាសាច់ប្រាក់ជូនអ្នកទទួលផល នៅពេលទទួលបានការទាមទារសំណង ត្រឹមត្រូវតាមលក្ខខណ្ឌនៃលិខិតធានា  ច្បាប់ និងបទប្បញ្ញត្តិ នៃលិខិតធានានោះ ។ វាដូចជាការធានាសុវត្ថិភាពមួយសម្រាប់ភាគីមួយ ដើម្បីបញ្ចៀសហានិភ័យនៃការខាតបង់ប្រសិនបើភាគីម្ខាងទៀតមិនបានអនុវត្តកាតព្វកិច្ចរបស់ខ្លួន។ តើលិខិតធានាមានប្រយោជន៍យ៉ាងណា? ការពារហានិភ័យ: លិខិតធានាជួយកាត់បន្ថយហានិភ័យសម្រាប់ភាគីទាំងពីរក្នុងកិច្ចសន្យា ដោយធានាថាកិច្ចសន្យានឹងត្រូវបានអនុវត្តតាមការកំណត់។ បង្កើនទំនុកចិត្ត: លិខិតធានាជួយបង្កើនទំនុកចិត្តរវាងភាគីទាំងពីរ ធ្វើឱ្យភាគីទាំងពីរមានទំនុកចិត្តក្នុងការប្រកបការងារជាមួយគ្នា។ ទទួលបានកិច្ចសន្យា: ការមានលិខិតធានាអាចផ្តល់ឱកាសឱ្យទទួលបានកិច្ចសន្យា ជាពិសេសនៅពេលដែលអ្នកកំពុងប្រកួតប្រជែងជាមួយក្រុមហ៊ុនផ្សេងទៀត។ ប្រភេទលិខិតធានាដែលពេញនិយម លិខិតធានាមានច្រើនប្រភេទ អាស្រ័យលើប្រភេទនៃកិច្ចសន្យា និងហានិភ័យដែលត្រូវការការការពារ។ ខាងក្រោមនេះគឺជាប្រភេទលិខិតធានាដែលពេញនិយមបំផុតមួយចំនួន៖ លិខិតធានាលើការដេញថ្លៃ (Bid Guarantee): ជាប្រភេទលិខិតធានាប្រើសម្រាប់ធ...

លិខិតឥណទានជាឧបករណ៍ហិរញ្ញវត្ថុមួយដែលប្រើប្រាស់យ៉ាងទូលំទូលាយក្នុងពាណិជ្ជកម្មអន្តរជាតិ។ វាជាការធានាដែលផ្តល់ដោយធនាគារអ្នកទិញ (ធនាគារចេញលិខិតឥណទាន) ដល់អ្នកលក់ (អ្នកទទួលផល) ថានឹងមានការទូទាត់ប្រាក់ឱ្យអ្នកលក់ប្រសិនបើអ្នកលក់បំពេញតាមលក្ខខណ្ឌដែលបានកំណត់នៅក្នុងលិខិតឥណទាន។ ការទូទាត់នេះអាចធ្វើឡើងតាមរបៀបផ្សេងៗគ្នា អាស្រ័យលើកិច្ចព្រមព្រៀងរវាងអ្នកទិញ និងអ្នកលក់។ ខាងក្រោមនេះជាប្រភេទនៃការទូទាត់ក្រោមលិខិតឥណទានដែលមានចែងក្នុង បញ្ញាតិសម្រាប់អនុវត្តលើលិខិតឥណទាន ​ ICC UCP 600៖ 1- ទូទាត់ ពេលបង្ហាញឯកសារទាមទាការទូទាត់(Sight Payment/At Sight) : ទូទាត់ភ្លាមនៅពេល បង្ហាញឯកសារទាមទាការទូទាត់ត្រឹមត្រូវតាមលក្ខខណ្ឌលិខិតឥណទាន (Complying Presentation) ។  2-​ ធ្វើស្វីការលើរូបិយាណត្តិ (Acceptance): ស្វីការលើរូបិយាណត្តិដែលចេញដោយ អ្នកទទួលផល/អ្នកលក់ និងទូទាត់តាមកាលកំណត់នៅថ្ងៃឥណប្រទាន។ លក្ខណៈពិសេសនៃ ការធ្វើស្វីការលើរូបិយាណត្តិ (Acceptance) រួមមាន៖  ទូទាត់មិនត្រូវបានធ្វើឡើងភ្លាមៗ ពោលគឺធ្វើឡើងនៅថ្ងៃអនាគត ដែលបានកំណត់ទៅតាមលក្ខខណ្ឌនៃលិខិតឥណទាន ដែលត្រូវបានគេហៅថា ថ្ងៃឥណប្រទាន (Maturity Date)។ នៅក្នុងលក្ខខណ្ឌលិខិតឥណទាន តម្រូវឱ្...

 សេវាហិរញ្ញប្បទានពាណិជ្ជកម្ម( Trade Finance) គឺជាឧបករណ៍សំខាន់មួយ ក្នុងគាំទ្រដល់ការដោះដូរ ពាណិជ្ជកម្មក្នុងស្រុក និងអន្តរជាតិ ដែលជួយកាត់បន្ថយហានិភ័យ សម្រួលចរន្តសាច់ប្រាក់ និងផ្តល់ភាពងាយស្រួលដល់ការធ្វើប្រតិបត្តិការពាណិជ្ជកម្ម។ ដើម្បីធានានូវភាពជាអន្តរជាតិ និងភាពបត់បែននៃសេវាកម្មទាំងនេះ មានប្រព័ន្ធច្បាប់និងបទប្បញ្ញត្តិជាច្រើនត្រូវបានបង្កើតឡើង ដើម្បីកំណត់សិទ្ធិ កាតព្វកិច្ច និងនីតិវិធីនៃការធ្វើប្រតិបត្តិការ។ បទប្បញ្ញត្តិសំខាន់ៗដែលគ្រប់គ្រងសេវាហិរញ្ញប្បទានពាណិជ្ជកម្មរួមមាន៖ Uniform Customs and Practice for Documentary Credits (UCP), ICC Publication No.600: ជាបទប្បញ្ញត្តិស្តង់ដារអន្តរជាតិសម្រាប់លិខិតឥណទាន (Documentary Credit) ដែលកំណត់នូវលក្ខខណ្ឌ កាតព្វកិច្ចរបស់ភាគីក្នុងលិខិតឥណទាន និងនីតិវិធីនៃសម្រាប់អនុវត្តនៅក្នុងប្រតិបត្តការ លិខិតឥណទាន។បញ្ញាតិនេះចេញដោយ សភាពិណិជ្ជកម្មអន្តរជាតិ ដែលហៅកាត់ថា  ICC ។ Uniform Rules for Bank to Bank Reimbursement under Documentary Credit (URR), ICC Publication No.725: កំណត់នីតិវិធីសម្រាប់ការទូទាត់ប្រាក់រវាងធនាគារនិងធនាគារ ដែលជាផ្នែកមួយនៃដំណើរការទូទាត់ក្រោម...

ឧក្រិដ្ឋកម្មហិរញ្ញវត្ថុក្នុងលំហូរពាណិជ្ជកម្ម (Trade Based Financial Crime) គឺជាប្រភេទនៃបទល្មើសមួយចំនួនដែលប្រើប្រាស់ពាណិជ្ជកម្មអន្តរជាតិដើម្បី លាងសម្អាតប្រាក់​ (Money Laundering) ផ្ដល់ហិរញ្ញប្បទានភេរវកម្ម (Financial Crime) និងរំលោភលើការដាក់ទណ្ឌកម្ម (Sanctions)។ ឧក្រិដ្ឋកម្មទាំងនេះ ជាទូទៅរួមមាន៖  បង្កើតវិក័យប័ត្រដែលមាន តម្លៃខ្ពស់ឬទាបជាងតម្លៃទីផ្សារ (Over or Under Invoice)   ការបង្កើតវិក័យប័ត្រច្រើនដងសម្រាប់ការដឹកជញ្ជូនមួយលើក(Multiple Invoice)   ការដឹកជញ្ជូនលើស ឬក្រោមវិក័យបត្រ(Over and Under Shipment) និង ប្រឌិតការដឹកជញ្ជូន​(Phantom Shipment) ។ 1-បង្កើតវិក័យប័ត្រដែលមាន តម្លៃខ្ពស់ឬទាបជាងតម្លៃទីផ្សារ (Over or Under Invoice)៖ ការកំណត់តម្លៃទំនិញតិចឬច្រើនជាងទីផ្សារនៅលើវិក័យប័ត្រ ក្រោមឬលើសតម្លៃ ទំនិញ និងសេវាកម្ម នៅលើទីផ្សាគឺជាវិធីសាស្រ្តដែលអ្នកលក់និងអ្នកទិញ ឃុបឃិតគ្នា ដើម្បីសម្អាតប្រាក់កង្វក់។ ជារឿយៗអ្នកទិញ និងអ្នកលក់អាចជាក្រុមហ៊ុនបុត្រសម្ព័ន្ធ ឬមានទំនាក់ទំនងគ្នាស៊ីជម្រៅតាមរបៀបផ្សេងៗទៀត។  ចំណុចសំខាន់ៗ: បង្កើនតម្លៃ: បង្កើតវិក័យប័ត្រក្នុងតម្លៃខ្ពស់ជាងការពិត ដើម្បីផ្ទេរប្រាក់ចេញ...